2003的事但相信至今仍是這麼糟─會展餵bb的不快經歷

無意間找到一篇之前係bk母乳版曾發表的文字，是囡囡四個月大的時候的經歷。一個方的社會文化，絶對是可以從一些so-call landmark 表露無遺。一看到這段文字，就讓我心裏頭勞氣一次，但事隔久了，我才懶得向會展投訴，就放在這裏讓有心人看看罷。

會展餵bb的不快經歷

另 一次我帶著bb, 同我妹妹去會展看fair。出了展館，bb要食奶了，見指南圖有育嬰間的公仔，以為有baby room，於是沿著新翼方向行，才發現育嬰間的公仔指的只是有bb換片台的女洗手間. 由於較多人用, 於是想行去乾淨些的, 越行越遠去了近金紫荊那邊。沿途問不同的保安，有個唔知我問咩, 有個指我去新翼, 有個叫我舊翼果邊。

到了近金紫荊那邊, 因為有人擺酒, 該洗手間劃作私人用途而不准我用。唯有帶著bb去新翼的詢問處問, 又話果邊冇嬰兒間。

咁 我地返去舊翼那邊, 諗著順道問下詢問處, 冇都順手搭車走人。不過咁樣一來一往, 已花掉我成廿多分鐘時間,亦覺累，bb也開始唔耐煩。行到詢問處問recept 姐姐有冇育嬰室，答案是係有指洗手間有得換片。咁問可唔可以借間房俾我餵bb，又咦哦(即係唔知/唔方便啦)，反問她點可以幫到我嗎？又唔識回應。咁我冇 好氣地問有冇乾淨的洗手間用，結果就指我去舊翼右邊上扶手電梯。
上了兩層樓, 又唔係見有, 果陣真係累得要死 (最衰我唔夠膽公開餵bb, 不然問題一早解決了), 再遇見保安, 我又重複一遍，於是三樓的保安阿姐叫我落一層, 二樓的保安阿姐是個印裔女性，是咁多中最幫到我的一個, 帶我去了演講廳旁的洗手間。到我餵到bb時，原來前後已擾攘了近45分鐘。我和妹妹,仲有bb都累得要死命~呢次後, 我係一直好想寫信去會展投訴, 但後來又懶動筆冇實行。

雖然話會展係個推動商業為主目的center, 但年中咁多公開活動 (書展/漫畫節/美食博覽會etc)，又有餐廳，又有個金紫荊廣場，其實都有好多公眾人士經常出入，但就冇個像樣的育嬰間，其ideal真係幾落後。

今次再提起這事, 我想真的去信會展投訴。