白蓮鬚雞蛋糖水

一係唔寫，一寫就長長氣氣, 我都覺自己煩~ 不過今日終於煲埋白蓮鬚，順手記之~

阿囡出世前，我係BK見人家寫此飲可清胎毒，會好生D ，所以都有煲來飲。但老實講，它味道澀澀的似桑寄生，我幾唔鐘意的，加埋今KEEP 次住飲馬師傅的葯，昨天才飲完一ROUND 停了，所以都係而家生產在即先至煲…

 

不過，有點我頗出奇的，是原來好多生過的小孩唔知什麼係白蓮鬚，朋友K今回更 "教" 及"叮囑" 我要飲，因為佢第一個沒飲任何清胎毒的東東，阿B 出世膚好差…

咁多1年冇煲過，係網上搵返點煲白蓮鬚雞蛋糖水，藥方如下:
1. 材料 ----
白蓮鬚 5元，
雞蛋 2隻，
冰糖/片糖 適量 (有說用冰糖可滋潤，用片糖則可解毒喎) (我血醣高，只加了小半片片糖算啦)
水6碗

2. 製法 ----
2.1 凍水放入白蓮鬚及生雞蛋 (連蛋殼), 大火煲滾後，改以慢火煲45分鐘,
2.2 取出雞蛋浸一冷卻，後剝殼，
2.3 放回已剝殼雞蛋及加入冰糖或片糖，再用慢火煲10分鐘。

3. 飲用時間 ----
臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。
有說，孕婦則在懷孕後六個月飲用此糖水才具清胎毒之效，將近臨盆時飲用效果不大喎 ~

順手搵埋有關資料：

白蓮鬚糖水常用於助產及助清胎毒；乃蓮花的花蕊, 性平味甘 [nova：成日以為係寒涼野添…]。 新鮮時顏色是白的，藥材店裡出售的是鬚乾，帶赭石色，名叫「白蓮鬚」，可以治遺精或滑洩（即攝護腺漏），婦女虛帶，服白蓮鬚有效。《本草綱目》載：「蓮鬚固精氣、烏鬚髮，悅顏色」。據知現代美容事業正對蓮鬚進行研究，開發其美顏功效。功效有：
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效。